A parella de presentadores Noelia Rey e Fran Cañotas pon a proba no 'Land Rober Tunai Show' a súa complicidade e sentido do humor - CRTVG
A parella de presentadores Noelia Rey e Fran Cañotas pon a proba no 'Land Rober Tunai Show' a súa complicidade e sentido do humor
Este xoves regresa tamén Milagros, a farmacéutica de cabeceira do programa de humor da Galega
Santiago, 15.05.2025.- O ‘Land Rober Tunai Show’ recibe a visita este xoves dunha parella moi querida pola audiencia: os presentadores Noelia Rey e Fran Cañotas! Unidos pola televisión, a súa historia de amor é toda unha aventura da que esta noite se indagará e se poderá coñecer algo máis. Como non podía ser doutro xeito, o programa de humor da Galega aproveitará a ocasión para poñelos a proba nunhas citas moi divertidas!
Outro dos momentos divertidos da noite producirase co regreso da farmacéutica de cabeceira, Milagros. Desta volta a farmacia convértese nun punto de recepción de paquetería... A isto unirase a particular Melody do ‘Land Rober Tunai Show’, coa que pode pasar calquera cousa.
Isto e moito máis, este xoves con Roberto Vilar, Eva Iglesias e Roi Méndez, a partir das 21:50 horas na Televisión de Galicia.