div-crtvg-top1

Barra de busca

PRESENTACIÓN - PORTADA

PRESENTACIÓN

A Corporación Radio e Televisión de Galicia (CRTVG) é o servizo público de comunicación da comunidade galega. A Corporación desenvolve o seu labor desde medios televisivos, radiofónicos e dixitais, completando a maior oferta informativa e de entretemento audiovisual existente en lingua galega.

A TVG iniciou as súas emisións o 24 de xullo de 1985, véspera do Día de Galicia, desde as súas instalacións de San Marcos na parroquia de Bando, no Concello de Santiago de Compostela. A súa programación regular comezou o 29 de setembro de 1985 con 39 horas de emisión á semana. Desde o seu nacemento, no ano 1985, a Televisión de Galicia é un dos principais motores dun sector audiovisual galego que foi medrando e tecendo unha rede de alianzas internacionais que o sitúan na segunda década do s XXI como un dos sectores audiovisuais máis puxantes de España.

Coñece máis sobre nós

COMUNICACIÓN G

Publicador de contidos

14/09/2024

14/09/2024

Televisión de Galicia arranca o seu 40 aniversario cunha espectacular festa en Vigo

Pola alfombra rosa do programa especial ‘Cantando as 40’ desfilaron este sábado as caras máis coñecidas da TVG, actores, actrices e os presentadores máis queridos de radio e televisión, así como moitas celebridades que quixeron acompañar á canle na terraza do centro comercial Vialia O 40 aniversario da TVG viaxará por toda Galicia nunha xira de actos ao longo dos vindeiros meses O Especial foi emitido en directo pola plataforma dixital AGalega.gal, e poderá verse tamén mañá domingo na TVG ás 22.55 h.

13/09/2024

13/09/2024

A Galega ofrece este domingo, en directo, o choque Atlético de Madrid-Deportivo Abanca de fútbol feminino

Esta fin de semana haberá máis fútbol, en vivo, grazas ao derbi provincial que enfrontará o Fabril e o Compostela e o encontro do Coruxo e o Bergantiños A G2 e AGalega.gal emiten o sábado as finais da Supercopa de Chave e Billarda, desde Bueu Achegarán en vivo tamén novas citas coas traiñeiras, a disputa dos ‘play-off’ feminino e masculino e as Bandeiras de Bermeo e Portugalete O penúltimo gran premio do Mundial de motocrós, o MXGP da China, o luns a través da G2 e a plataforma dixital da CRTVG