'Somos animais' amosa esta noite técnicas de adestramento de cans aprendidas da doma india de cabalos

Santiago, 05.03.2026.-  Nunha nova entrega do programa ‘Somos Animais’ (22:40 h), Hugo Cabaleiro seguirá acompañando este mércores os mellores adestradores e expertos para saber como hai que facelo ben cando todo está mal.

Hoxe estará con Samu, un educador de cans que aprendeu as súas técnicas da doma india de cabalos. Xuntos vanlle ensinar a Nala, unha cachorra de mastín, como levar a correa, a non pelexar con outros cans e mesmo a comprobar como é o mar. 

Pola súa parte, Jorge, o experto do programa, vaise enfrontar a un novo reto: dous caniches hiperactivos que son uns auténticos demos.