Como músico, como investigador e como mestre. Xavier Blanco é un referente no presente da música tradicional galega.

Como mestre leva en Moaña dende 1985 adicado profesionalmene á ensinanza sendo un dos primeiros mestres oficiais de gaita da historia de Galicia. Como investigador é probablemente quen máis profundou na música de raíz. Nunha zona dunha riqueza incrible, Moaña, Xavier centrouse nos pequenos instrumentos,  neses sons máis humildes que nos achegan ás nosas raíces máis profundas.

E como músico Xavier Blanco é especial. Distinto. Escoitalo a el é escoitar a tradición. Séntese representante dos nosos ancestros e coma se dunha viaxe no tempo se tratase, é capaz de achegarnos ao século XXI a forza e a sonoridade do pasado musical máis humilde, máis natural e máis auténtico.