En Cos pés na terra aprenderemos coa mestra Iria o que é ser nai de día na súa Casa Niño, un proxecto educativo a través do cal Iria coida dos pícaros da súa aldea na súa casa. Con eles viviremos unha fermosa xornada de convivencia entre pequenos e maiores. Temos unha cita con Milo e todos os alados cos que comparte unha aventura onde nunca faltan os ovos. Visitaremos a súa horta con produto exótico e degustaremos o froito do seu esforzo. E con Bea asistiremos a unha dura xornada de traballo que transcorre entre a praza de Ribadeo e os seus cultivos en Foz.