Imos ata A Coruña para coñecer a un gaiteiro moi especial, un home que ten dotes de actor de cine pero sobre todo é un gran gaiteiro.

Cando el naceu na sua casa xa sonaba a gaita, a gaita dos Tempranos de Eiris, el comezou a tocar con eles aos 16 anos e xa non o deixou nunca, de feito, grazas á gaita percorreu medio mundo. Agora está xubilado, segue disfrutando da música, dos amigos, e dun ambiente que lle encanta e domina que é o ambiente das tascas.

A súa cara é moi coñecida, porque protagonizou un dos anuncios das campañas de Gadis 'Vivamos como galegos'. Un Alalá moi divertido, e como o diría o protagonista desta noite: Te lo dice Pepe Temprano!