Nacho Canut e Alaska, integrantes do grupo Fangoria, visitan este venres o programa “Luar”, onde interpretarán “Fiesta en el Infierno”, tema do seu recentemente estreado disco “Geometría polisentimental”, ademais da canción que lle dá nome a este traballo e de “Dramas y comedias”. Compartirán escenario con Guadi Galego, que se dera a coñecer como vocalista de Berrogüetto, e Jaime Terrón, ex-compoñente da banda de pop rock Melocos. O apartado humorístico estará cuberto por Moncho Borrajo.