Para o xantar, don Benigno e dona Lola tamén pensan facer un prato que, ademais de rico, sexa san e económico: xardas ao forno con patacas e mexillóns.

Adrián non deixará pasar a ocasión de comer uns bos percebes e para iso irá voando ata Oia, onde, da man de Olga, saltará de rocha en rocha á procura dos mellores percebes que se poden atopar nas rompentes. Despois de tanto traballo, a recompensa será, coma sempre, en forma de doce, nesta ocasión co tatín de pera co que Merchi e Leni agasallarán o resto dos “Larpeiros”.