José Marentes é un gaiteiro que procede dunha antiga estirpe de músicos desta terra. Músicos que tocaban sempre sós, e que eran incriblemente técnicos, capaces de facer malabares cos picados e cos silencios.

Sons irrepetibles que Marentes inmortalizou nun disco. Algo grande para un gaiteiro grande tamén, pero humilde por riba de todo, malia ser o portador dun saber antigo.

Por todo iso, Marentes, querendo ou sen querer, é un gaiteiro especial, boísimo,  e sen dúbida, un dos mellores.