CRTVG

Buscar

Larpeiros

Día mundial dos grelos

15/05/2018 22:15 h

Os “Larpeiros” manteñen unha animada conversa sobre os pratos que saen de facer combinacións novas de cousas. As lentellas con coello ou as fabas con cigalas, por exemplo, son mesturas pouco habituais, pero que quedan de marabilla. En xeral, os legumes e as verduras son unha auténtica mina á hora de facer combinacións con marisco, con polo ou con carnes de porco... 
Benigno Campos non pensa deixar pasar a oportunidade de cociñar algo mesturando cousas ricas de comer que dean un resultado moi orixinal. Para isto, propon unha receita que non deixa ningún larpeiro indiferente: fabas con grelos e mexillóns, un auténtico prato de festa e ben orixinal.
Pola súa parte, Adrián, o Larpeiro “máis teimudo”, vai voando ata O Rosal, na provincia de Pontevedra. Alí, da man de Carmela, descobre como se fan unhas conservas de grelos que xa contan con milleiros de fans polo mundo enteiro.
De volta na casa, a festa é completa coas sopas de cabalo cansado e chocolate coas que a cociñeira convidada Celia Cabrera e Leni agasallan o resto dos “larpeiros”. 

Atopar capítulo por: