No sketch “A Kevin chéiranlle os pés”, Moncho e Elvira están abraiados polo terrible cheiro de pés de Kevin e todos en Lameiro vanlles dar consellos para solucionar ese problema.

En “O capo de Lameiro”, Puskas quéixase do mal que lle vai o negocio. Por idea dos seus amigos, decide facer un bingo ilegal polo que, a partir dese momento, o bar vai ser un sitio diferente.

 Finalmente, en “Orgullo e prexuízo” os amigos de Moncho cómenlle a cabeza con que fai todo o que Elvira lle manda. Moncho intenta rebelarse, pero o asunto non sairá como el quería.