Como non podía ser doutro xeito, o equipo do programa achegarase ata este concello, coñecido como “o verxel de Bergantiños”, para gozar do bo ambiente e compartir cos seus veciños a xornada e probar as famosas patacas de Coristanco. 
Como o seu nome indica, a pataca será a gran protagonista da xornada, pero esta celebración tamén é unha homenaxe a todos os agricultores da comarca. Por este motivo, as cámaras do programa da TVG acompañarán un dos produtores de patacas da zona para que expliquen o cultivo da famosa pataca de Coristanco.