Na primeira quincena de maio o choco cobra protagonismo no municipio de Redondela e non é para menos. Desde hai 30 anos a vila celebra a exaltación deste cefalópodo, que é o rei das augas que bañan o municipio.  
Ao longo da emisión do programa, os espectadores da Televisión de Galicia poderán ver todo canto aconteceu nesta grande exaltación. Veciños e visitantes achegáronse ata a Alameda de Redondela para probar algún dos pratos e as distintas variedades de choco que ofreceron os restaurantes da zona.