A partir das 22.00 h. o equipo de reporteiros do programa amosará todo canto aconteceu na XLII Festa do Viño Tinto do Salnés, que se desenvolveu ao longo da fin de semana en Ribadumia. 

“Sopa de Festa” volve converterse nos ollos do espectador para que goce do espírito e ambiente festeiro dunha das exaltacións gastronómicas e vinícolas con máis sona de Galicia. Hoxe, un dos produtos estrela da comarca do Salnés, o viño de Barrantes, será o protagonista dunha festa que se celebra desde o ano 1967 en Ribadumia.