Especial dedicado aos máis pequenos da casa, presentado por David Amor e no que interveñen arredor de 500 rapaces e rapazas. 

  O programa viaxa por toda Galicia buscando as mellores formacións infantís e xuvenís de todos os ámbitos: orquestras, coros, corais, big bands, conxuntos, bailaríns e un longo etcétera de variados grupos compostos por xente moi nova, pero que ben pode dicir “Xa somos artistas”. Entre estas actuacións, está a de Os Pícaros do Jazz e a de Mamá Cabra.

  Ademais, conta co testemuño de varios famosos, como Sonia López, Luís Iglesia, Isi e Xabier Deive, que contan as súas experiencias de cando eran cativos.