A televisión de Galicia preparou para os venres do verán do 2022 unha ampla oferta de entretemento que quere reflectir o que máis gusta ver hoxe en día nas pantallas. Os espectáculos de orquestra son do máis demandado. Eventos G descubre a orquestra Olympus,  quere unir a estes reis da verbena, e enfronta, musicalmente falando á Cinema co Combo Dominicano. Estivemos na preparación destes programas.

Porque arredor da festa todo foi cambiando, mesmo a forma de buscar parella. As aplicacións de móbil substitúen o trato directo. Coñecemos un exemplo do moderno moceo.

E visitamos tamén o Pazo Galegos, un edificio histórico de Vedra que agora inicia unha nova etapa cunha oferta internacional e única en Galicia .