Coñecemos o grupo de alumnos do Colexio Santa María do Mar da Coruña, que gañaron a liga de facer drons de Galicia. A súa inventiva para construír aparellos útiles, por exemplo, para apagar incendios, sorprendeu mesmo os profesionais.

Como sorprendidos se ven os convidados ás vodas enxebres que organiza o Fogar do Santiso. Tras dous anos de parada pola pandemia, agora non paran de traballar e atender as demandas máis imaxinativas.

O certo é que a xente ten gañas de lecer. A Televisión de Galicia quere atender a esta demanda dedicándolle un Eventos G ás festas patronais de máis sona do país.