Coñecemos o proxecto 'As voces das mulleres importan' que, desde a Costa da Morte, fai protagonistas de historias teatrais ás mulleres da zona, anónimas e maiores que teñen vidas que merecen ser contadas.

Un camiño que xa percorre Azucena Mora, unha profesora da facultade de Veterinaria de Lugo que aparece entre as científicas españolas máis influentes. Como tampouco lle é sinxelo o día a día ás 'Hello Sister', un grupo de mozas con talento informático que loitan nun mundo que desconfía delas.

 Historias de mulleres loitadoras protagonizarán tamén unha nova serie que veremos na Televisión de Galicia, ' Motel Valkirias', unha coprodución con Portugal que mestura drama e humor.