O belén articulado de Valga amosa, a partir da primeira fin de semana de decembro, a creatividade dos veciños, que traballan centos de horas para converterse nunha das principais atraccións do Nadal. Non queren que se desvele moito ata abrilo ó público, pero fixeron unha excepción co Vivir aquí para explicar todo o que hai detrás, debaixo e agochado, no que xa é o belén con movemento máis grande de Galicia.