O equipo do programa cultural daralle a benvida ao “VIA XIV”, o Festival de Curtametraxes de Verín, e fala con Óscar Doviso, un dos seus protagonistas. Doviso é o director da versión cinematográfica da ópera rock  “The Rebel”.  Ademais, o espazo cultural tamén falará con Albert Serra, o enfant terrible do cinema catalán e director da recentemente estreada “La muerte de Luis XIV”, unha película que participa no festival cinematográfico compostelán Cineuropa e que conta a agonía do rei francés durante a enfermidade que o levou á tumba rodeado dalgúns dos seus máis fieis súbditos.