Quen non recibiu un correo electrónico sospeitoso ou un premio sen participar en nada? Os expertos de “Desenredando a Rede” falan dos calotes máis frecuentes na Internet e dannos consellos prácticos para evitalos.  Na sección “Nan@s”, os máis cativos intentan descifrar o que é un carrete de fotos e, na sección “I+D+i”, os reporteiros do programa visitan un dos sitios galegos punteiros en canto a realidade virtual: o Centro de Innovación e Servizo, o CIS Galicia.

Katu e Chus seguen os pasos dos mellores influencers da rede e levan a cabo un dos retos máis picantes e divertidos que se poden ver no programa.

Desenredando á rede sae á rúa novamente para falar de tecnoloxía e preguntar polo youtuber Rubius.