Sobre a figura de Paz Andrade falan o seu fillo Alfonso; o seu biógrafo, Tucho Calvo; o presidente da Real Academia Galega, Xosé Luís Méndez Ferrín; o asesor literario do Centro Ramón Piñeiro, Luís Alfonso Girgado; o presidente do Consello da Cultura Galega,  Ramón Villares, e o escritor Salvador García Bodaño.

Entre outros aspectos, o documental trata sobre a relación de Paz Andrade con Castelao, as mutuas influencias no seu pensamento e as coincidencias políticas; exilio, o desterro en lugares inhóspitos de Galicia, así como a súa influencia política e a súa vertente no ámbito empresarial, destacando a rica personalidade deste intelectual galeguista.