“ZigZag Diario” contará co testemuño de Rafael Cobos, guionista do filme “Toro” en que participa a Televisión de Galicia.
Por outro lado, non se pode falar de guión de ficción sen incluír a nova serie da TVG “Urxencia Cero”. Esta aposta da canle pública galega ten certas claves dentro dos diálogos, das cales falará no estudio de gravación o editor de guións da serie, Alberto Guntín. 
Este “ZigZag Diario” continuará cunha reportaxe da man da cineasta de Chantada Keina Espiñeira e da súa curtametraxe “Tout le monde aime le bord de la mer” (“A todo o mundo lle gusta a beira do mar”).