“The Rebel” é unha ópera rock en que se pretende poñer un gran de area ao centenario do “Alzamento de Pascua”, rebelión irlandesa contra a autoridade do Reino Unido. A cidade de Ourense é a encargada de acoller a estrea deste traballo, pero hoxe no “ZigZag Diario” terán a ocasión de falar cun dos líderes deste proxecto: Miguel Caride. 
Dentro dos temáticos de música do programa non pode faltar a sección de Moncho Lemos “Fondos Reservados”, que hoxe fará un repaso polos Premios Martín Códax da Música, que mañá celebran a súa gala. 
Finalmente, o espazo da tvG2 proporalle aos espectadores música para escoitar en directo, entre a que destaca Amaro Ferreiro, Slim Jim Phanton e a Rebelión do Inframundo.