Telexornal Serán con lingua de signos
Telexornal Serán con lingua de signos
30/01/2023 21:30 h
Índice de contidos
Titulares do 'Telexornal serán'
O Ministerio de Igualdade ábrese a reformar o Código Penal para corrixir os efectos indesexados da lei do "só si é sí"
A lei do "só si é si" beneficiou case 300 condenados por delitos sexuais
En liberdade con cargos o produtor Javier Pérez Santana pola agresión sexual que denunciou unha actriz na festa posterior aos Premios Feroz
O avogado de Dani Alves pediu a liberdade provisional do futbolista. O ex-xogador do Barça está en prisión porque a xuíza entendeu que había risco de fuga
Os prezos subiron por primeira vez nos últimos cinco meses. O IPC creceu ao 5,8 por cento en xaneiro
Seguen as negociacións para subir o salario mínimo. Os sindicatos consideran imprescindible chegar aos 1.100 euros e a patronal pon o límite nos 1.040
O secretario xeral da UXT defendeu a empresa Mercadona do ataque da ministra Ione Belarra
O histórico socialista, Odón Elorza, dimite como deputado
O Goberno, pendente de remodelación polas saídas de Reyes Maroto á alcaldía de Madrid, e de Carolina Darias a candidata nas Palmas de Gran Canaria
As bases de Esquerra apoian maioritariamente a vía Montenegro para un referendo independentista en Cataluña
Pedro Sánchez viaxa o mércores Marrocos para un cumio de alto nivel en Rabat
A Xunta mantén contactos co grupo sueco Universal Kraft, interesado en montar unha planta de amoníaco verde nas Pontes
O vicepresidente primeiro da Xunta, Francisco Conde, di que o Goberno mantén parada a adxudicación dos fondos europeos
España recibiu 31.000 millóns de euros do presuposto comunitario, dos que 28.000 xa están xestionandos por concellos e comunidades
Un estudo da Comisión Europea detecta que un terzo das web avaliadas manipulan o consumidor con prácticas de venda enganosas
A Xunta pon en marcha un plan para evitar derrubamentos e outros danos nas estradas por efecto dos temporais. Levaranse a cabo intervencións en 35 vías
Logo de que os presidentes de Galicia, Asturias e Castela e León reclamaran a posta en marcha do Corredor Atlántico, o BNG insiste na súa necesidade
Comezou sen incidencias a folga de controladores aéreos que afecta os aeroportos de Alvedro e de Peinador
Case 5 millóns de pasaxeiros utilizaron o tren en Galicia o ano pasado, un incremento de case un 80 % con respecto a 2021
A Xunta creará unha rede de radioterapia que poñerá en contacto os servizos de oncoloxía da comunidade para mellorar a calidade asistencial dos doentes
Os médicos do Sergas reuníronse para decidir se fan folga. Piden medidas que garantan a calidade do servizo e melloras nas condicións laborais
A sanidade centrou o debate no Parlamento galego. Os populares critican que o BNG pida un aumento para a atención primaria de 200 millóns, cando a Xunta incrementou o orzamento en 310 millóns de euros nos últimos 5 anos
As máquinas para o tratamento do cancro que doou Amancio Ortega á sanidade pública non funcionarán ata dentro de tres anos
O líder dos socialistas galegos pídelle á Xunta aumentar o investimento en investigación para evitar que marchen os mellores investigadores.
Cortizo, a multinacional galega, amplía as instalacións da fábrica que ten en Cidade Real
O rei fai 55 anos. Como símbolo de felicitación, varios concellos iluminaron os seus edificios de vermello, a cor do estandarte de Filipe VI
O xuíz decretou o ingreso en prisión incondicional do mozo marroquí que matou un sancristán en Alxeciras e feriu outras tres persoas
O bebé achado en Granada o pasado venres naceu vivo e morreu de forma violenta, segundo a autopsia
O xurado delibera sobre o caso do tío acusado de matar o seu sobriño de tres anos en Santiago
Nas próximas horas está previsto que pase a disposición xudicial o home detido na Coruña por presuntamente agredir sexualmente unha clienta dun pub da cidade
E en Lugo preocupa o aumento das pelexas nocturnas na rúa. No que vai de mes a policía detivo once persoas
Un home de 60 anos morreu esta mañá nun accidente de tráfico no concello de Manzaneda
Na parroquia de Loimil, na Estrada, os veciños non saen do seu asombro pola profanación dunha tumba do cemiterio
O mesmo que cando conducimos, os peóns temos tamén normas na rúa e non as respectar pode carrexarnos multas de ata mil euros
Un veciño de Elviña denuncia que só ten uns 40 centímetros para entrar ou saír da casa, por iso lle pide ao Concello unha solución antes de que rematen as obras
Xa estamos en plena tempada do cocido, pero este prato está saíndo bastante máis caro que hai un ano
A produción de grelos este ano vese un pouco minguada debido a que este inverno o frío chegou máis tarde
Noite conxelada con termómetros que caeron ata os oito graos negativos. Hoxe volve activarse un aviso amarelo no sur de Ourense por baixas temperaturas
Vaga de frío en España con avisos por baixas temperaturas para o martes en sete comunidades autónomas
Previsión meteorolóxica con Noelia Rodríguez
Evitar máis problemas a persoas que xa teñen unha saúde moi delicada. É o obxectivo dos equipos de asistencia á axuda domiciliaria
A mina de lousa subterránea máis grande do mundo está en Valdeorras. Un equipo da Galega comprobou como se extrae a pizarra.
Unha empresa de Ponteareas surte de disfraces media Europa. Estes días a actividade é frenética, sobre todo polos pedidos en liña
En Pontevedra recolleron 600 pares de zapatillas para envialas aos alumnos dunha escola de Guinea Bisáu
Juana de Vega continúa sendo unha muller case descoñecida para o público, malia tratarse dunha das galegas ilustres do século XIX. Agora acábase de publicar unha biografía sobre ela
Un cometa verde poderase ver esta semana no ceo galego. Os expertos recomendan buscalo con prismáticos e a primeira hora da noite, entre as oito e as dez
E no DígochoWhat, Esther ensínalle a Cristina unha frase fundamental en galego: 'Éche o que hai!'