A polifacética Sofía Espiñeira visita hoxe o estudio do “ZigZag Diario” para falar de “Aló onde agroman as herbas”, o primeiro traballo musical desta cantante e bailarina, que gañou o segundo Certame de Canción de Autor de Teo.
Dentro deste mércores musical, o programa trae tamén a estrea de dous vídeos musicais galegos. Por un lado, presentarán “Stone”, de Cora Sayers, seguido de “Freedom is”, do grupo Bala.
Na sección semanal de Moncho Lemos, “Fondos Reservados”, falarán de Wilko Johnson, músico que regresa ao país este xaneiro cun único concerto en Vigo para o vindeiro sábado.