San Ramón de Bealo, é unha cita ineludible en Boiro para milleiros de fieis devotos e, sobre todo, para mulleres que lle piden ao santo un fillo. Trátase da romaría máis antiga de Galicia, que se celebra ininterrompidamente desde o século XVIII e nela as misas na ermida, o xantar, as procesións e a música na sesión de noite son os ingredientes principais. Á ermida van, sobre todo, as mulleres en busca dun parto feliz ou dun embarazo, que incluso levan o santo en procesión.