“ZigZag Diario” recibirá a visita da actriz Sabela Hermida, que  virá ao estudio para falar dos seus traballos de investigación dunha das grandes actrices galegas, María Casares.
E como de escénicas vai o asunto, non poderá faltar unha reportaxe sobre o ALT (Festival Alternativo de Artes Escénicas de Vigo). A cidade olívica encherase de todo tipo de propostas alternativas e o “ZigZag Diario” tivo a oportunidade de falar con Nuria Sotelo, Macarena Montesinos, Clara Ferrao e Lena Vilanova, creadoras da peza inaugural do festival: “Ensaio de Amor”. 
O devandito festival terá especial protagonismo no programa de hoxe, pero tamén falará doutras fantásticas, arriscadas e fermosas propostas como son “Happy Hours” ou “Paula”.