É un dos empeños que vén da nosa man cada día que nos poñemos fronte a estas cámaras, por algo é o sentir desta televisión, a defensa e a promoción do uso do galego, da nosa lingua, da nosa cultura, do noso ser. Algo que non queda só aquí en Galicia, senón que transcende as fronteiras. Sabían vostedes que na nosa veciña Castela e León tamén se estuda galego? Hoxe imos falar con dúas galegas profesoras de galego no Bierzo, en Ponferrada. Marta González, xefa do departamento de galego da Escola Oficial de Idiomas, e María Novo, profesora no IES Europa.