O director de S8 Mostra de Cinema Periférico da Coruña, Ángel Rueda, visita o estudio de “ZigZag Diario” para adiantar a programación do festival, que se celebra do 31 de maio ao 4 de xuño na cidade herculina.
          Ademais, na súa edición de xoves, dedicada ao audiovisual, o programa ofrecerá dúas reportaxes sobre o Festival de Cans, que se puxo hoxe mesmo en marcha no Porriño. Tamén estiveron con Sonia e Miriam Albert-Sobrino, coñecidas como Also Sisters e directoras de “A historia dun satélite”, o filme de apertura do Festival.