Na honra da Nosa Señora das Marabillas, os romeiros asistiron aos actos tradicionais da misa, da procesión e da sesión vermú musical. Desde este miradoiro natural de Burela, a 340 metros sobre o nivel do mar, os asistentes, acampados nun total de 95 parcelas, gozaron durante toda a fin de semana de moita festa entre familiares e amigos e do popular concurso de casetas. Esta cita festiva está organizada pola Asociación Amigos do Monte Castelo.