A Romaría da Virxe dos Milagres de Saavedra é unha das máis multitudinarias do interior de Galicia. Milleiros de devotos achéganse a pé desde distintas partes das provincias de Lugo e A Coruña para cumprir cos tres rituais: poñer o santo, rodear a capela e depositar ofrendas nos arredores da mesma. Á Virxe milagreira atribúenselle, entre outros actos, o de deter as tropas francesas durante a Guerra da Independencia a comezos do século XIX.