O noso reporteiro recadeiro Rafa Durán visitará a Keila, de Nigrán, para recoller embutido de cabaza. Este produto servirá para realizar a receita de hoxe, que fará o noso chef Xoanqui Ameixeiras cunha pequena axuda de Isabel, a súa veciña.

Ingredientes:

Para o risoto:

- 250 gr de arroz redondo

- 1 manda de espárragos verdes frescos

- 1 ceboliña

- 1 allo porro

- 1 dente de allo

- 1 cenoria

- 1 embutido de cabaza

- 1 taco de queixo curado

- 1/2 cunca de viño branco

- 1 litro de caldo de polo

- 1 noz de manteiga

Para o caldo de verduras:

- Cebola

- A parte verde do allo porro

- 1 dente de allo

- 2 cenorias

- 1 folla de loureiro

- Sal

- Aceite de oliva

- 1/3 embutido de cabaza

Elaboración:

O prato vexetariano de hoxe imos a facelo cun embutido. Facemos un caldo rustrindo as verduras e un anaco de embutido de cabaza. Deixamos cocer 12 minutos na pota rápida e mantémolo quente. Nunha pota ou wok, rustrimos a cebola, o allo porro, o allo, a cenoria, os talos dos espárragos e un anaco moi picado do embutido de cabaza. Incorporamos o viño e o caldo aos poucos ata que o arroz estea case feito.

No último intre, incorporamos o embutido de cabaza, as puntas dos espárragos, o queixo e a noz de manteiga. Remexemos dous minutos máis, empratamos e listo para comer…!!!