A ruta comeza en Castro Caldelas, pasa por Celeirón, Doade e para en distintos miradoiros, como o de Matacás ou Pena do Castelo. Durante o percorrido, o convidado conta aspectos descoñecidos da súa vida, como a historia do seu longo nome, o que supuxo para el ter participado no filme 'Airbag' ou a súa xira con Siniestro Total.

Todo isto mentres pedalean por carreiros entre viñedos e falan, por exemplo, da viticultura heroica, ou dos primeiros asentamentos megalíticos da zona.