No primeiro capítulo da serie Recambio climático. Unha mirada construtiva, seis destacados especialistas abordan as cuestións candentes do decrecemento, a biomasa e as redes de calor e mais as novas fontes de enerxía eólica e solar e a necesidade de resetear as nosas vidas cos tres 'R': (Reducir, Reciclar, Reutilizar). Pero tamén outros moitos: Redeseñar, Renovar, Resetear, Reparar, Reforestar. En resumo, as acción precisas para o recambio climático, que converxen nun novo xeito saudable e sostible de comportarnos coa nosa propia saúde e coa saúde do planeta.