A TVG emite hoxe un especial de grandes festas para amosar como se viviu esta fin de semana a ancestral Rapa das Bestas de Sabucedo, declarada de Interese Turístico Internacional, que cada ano recibe a milleiros de visitantes. A través deste programa, os espectadores poderán ver a baixada dos cabalos desde o monte e a súa condución ata o curro, onde os aloitadores lles cortan as crins e marcan os animais, coñecer anécdotas e actividades paralelas, ademais de gozar dunhas imaxes espectaculares.