Hoxe no 'Imos de feira' viaxamos ata Cambados, vila pontevedresa pertencente á comarca do Salnés. Esta gran feira celébrase tódolos mércores e sábados do mes excepto se é festivo. Nesta ocasión, concursan con nós Nerea e Luís. Un deles poderá optar aos catrocentos euros que reparte Javier Varela, e o outro poderá degustar unhas boas tapas con Rafa Durán mentres xoga por douscentos euros. Ó final, o gañador poderá gastar o seu premio nun negocio local. Hoxe en Cambados temos unha moblaría, unha carnizaría, unha tenda de electrodomésticos, unha tenda de pesca... e centos de postos na feira.