Neste episodio o presentador, Óscar Pereiro, conta coa actriz María Vázquez como convidada. Xuntos percorrerán a illa da Toxa, O Grove e a Praia da Lanzada nunha ruta na que falarán de todos os traballos da actriz no cinema, na televisión e no teatro. María Vázquez conta o que sentiu cando foi nomeada aos premios Goya en 2007 e da satisfacción que lle produce seguir vivindo en Galicia e poder traballar á vez en distintas producións nacionais.