“Sopa de Festa” achegarase ata Moraña para non perder detalle desta gran cita e, sobre todo, da preparación dos carneiros para o seu asado. Para iso, o equipo do programa falará polo miúdo cos organizadores e colaboradores encargados de asar máis dun cento de carneiros para o gran xantar.

Doutro lado, e sen perder a esencia gastronómica do programa, “Sopa de Festa” tamén visitará  un restaurante da vila para ofrecerlles aos espectadores a receita do petisco gañador da edición deste ano de “Espétalle un Pincho”, que ten como protagonista o carneiro.