Máis de 125.000 peregrinos chegaron a Santiago no que vai de ano, segundo os datos achegados pola Oficina do Peregrino, unha cifra récord desde que hai rexistros. A maioría chega a pé, elixe o Camiño Francés e combina os motivos relixiosos e culturais. A capital de Galicia é estes días un fervedoiro de nacionalidades e os arredores da Catedral convérsense nun paseo multicultural que fai da cidade un referente internacional.