E, que mellor que, para esta ocasión falar do último filme en que colabora a Televisión de Galicia, “O Descoñecido”. Pero desta volta, no canto de falar do seu protagonista Luís Tosar ou do seu director Dani de la Torre, o espazo cultural innovará e falará cos “descoñecidos do descoñecido”, unha serie de actores galegos que participaron no filme de De La Torre, como son Xosé Barato, Camila Bossa, María Mera, Ricardo E. Barreiro ou Antonio Mourelos. 

Os xornalistas do “ZigZag Diario” tamén decidiron contar como é a maxia do cine, e para iso trasladaranse ao estudio de Alberto Hortas, un experto en maquillaxe e efectos especiais que contará varias técnicas para conseguir os acabados máis realistas para o cine. 

Xa no estudio, o entrevistado de hoxe vai ser outro “descoñecido” de “O Descoñecido”. O actor Ricardo Barreiro, actor secundario do filme, contará as súas experiencias e vivencias facendo esta película, que está incluída dentro do programa do Festival de Donostia.