O mundo dos ilustradores ten en Galicia, pasado, presente e moito futuro. Comezou poñendo imaxes a narracións, pero foise adaptando aos tempos narrativos e pasou da narración clásica, aos grafitis, aos murais que visten as vilas e cidades, á banda deseñada; entrou nos videoxogos, nos móbiles e tamén no audiovisual, e levan colleitado, os creadores galegos, moitos recoñecementos. Dese próspero presente dos ilustradores galegos imos falar agora.