É certo que o mundo da beleza, dos cosméticos, é moi cambiante. As modas son cada vez máis efémeras e condicionadas polos produtos que empregan as famosas, ou agora as influencers, pero dentro desta tendencia, hai algo que parece que se mantén. Falamos da cosmética coreana, todo un referente nos últimos anos fóra daquel país. Hoxe queremos coñecer o porqué deste éxito e facémolo con Verónica Sánchez, que ten na Coruña a única tenda de Galicia especializada en tratamentos coreanos.