Pontedeume celebra estes días as súas festas por excelencia, as das Peras, quese celebran en honor da Virxe das Virtudes e de San Nicolás de Tolentino, patróns da vila. O programa “Aquí Galicia” non quere perder esta cita e por iso se tralada hoxe en directo a esta localidade coruñesa.

Esta Festa das Peras está dedicada ás froitas, en que é moi pródiga a comarca do Eume. Os espectadores da TVG coñecerán mellor as que se dan na zona e verán como se elaboran produtos derivados como marmelada ou marmelo.

Para coñecer máis sobre Pontedeume, o seu concello e comarca, unha guía de turismo acompañará o equipo do programa para ensinarlle os tesouros dunha das vilas con máis historia de Galicia, en cuxas rúas se percibe o seu pasado medieval e aspegadas dos Condes de Andrade.

“Aquí Galicia” tamén visitará sendeiros, praias, miradoiros, ríos e regatos dunha localidade situada na desembocadura do río Eume e na ladeira do monte Breamo. Os reporteiros do programa navegarán pola bocana do río a remo e en piragua na compañade deportistas do Club de Piragüismo “Os Firretes”.

Pero se unha visita non podía faltar hoxe é a das Fragas do Eume. O espazo daTelevisión de Galicia presentado por Lucía Rodríguez, Bernardo Montaña e Juan Fuentes percorrerá este espazo único, o bosque atlántico costeiro máis importante de Europa.

No apartado gastronómico, o programa contará coa presenza dos gañadores do Concurso de Froitas, que se celebrou hoxe dentro da Festa das Peras. Os espectadores tamén poderán ver unha selección dos mellores doces da comarca do Eume, como proia,manguitos, melindres e amendoados. E, xunto a eles, unhas empanadas típicas da zona:de roxóns con queixo e de zamburiñas. Ademais, na mesa de “Aquí Galicia” tamén haberá uns boliños de San Nicolás, que son os que se bendicen nestas festas patronais de Pontedeume.

A música deste sábado será cousa da orquestra Ledicia, do grupo de baile tradicional da Asociación Folclórica Cultural Orballo, da Banda de Música da Escola Charamela, do grupo Los Trasnochadores del Eume, do dúo Os Piñeiros e da formación Fusión Dance, representante de España no Campionato Europeo de Hip Hop.