A trampa que lle teceu Carlos a Nino semella perfecta. Para a policía, Nino tiña un motivo claro para matar a César: vingarse polo asasinato da súa propia nai. Demostrar que en realidade é Carlos quen move os fíos ao seu antollo está nas mans de Emilio e Olalla. Conseguirán manipular a un manipulador e salvar así a Nino?

Con tal de pagar as súas débedas, Tomaso foi quen de escribir a súa propia necrolóxica. Como bo morto, neste capítulo terá que asistir ao seu propio velorio. Iso si, farao ante a atenta ollada dos seus acredores. Pode que nin Sara, cunha relación cada vez máis estreita con Amancio, sexa quen de evitar o desastre.