Esta madrugada toca volver a un dos hábitos que máis polémica causa entre todos nós, os cidadáns, o cambio de hora. Desta volta toca que atrasar o reloxo, ás tres volverán a ser as dúas, entramos no horairo de inverno, un feito que dúas veces ao ano trae consigo un amplo debate, un debate que hoxe imos trasladar a esta Revista da man de Jorge Mira, catedrático do departamento de Física Aplicada da USC e membro do grupo de expertos para asesorar o goberno nesta materia, e de Inmaculada Rodríguez, coordinadora xeral en Galicia da Comisión Nacional para a Racionalización dos Horarios Españois.