A actualidade nestas últimas semanas e días déixanos imaxes impactantes. Algunhas delas leváronnos a Afganistán, onde, vinte anos despois da súa caída, os talibáns recuperan o poder tras a marcha das tropas internacionais por orde do presidente norteamericano Joe Biden.

Aínda que os fundamentalistas predicaron publicamente a súa moderación, poucos dubidan do que pode acontecer naquel país. Nós querémosllo preguntar a Miguel Anxo Murado, xornalista, escritor, experto en política internacional.