O director da obra “O Principio de Arquímedes”, Xulio Lago vén hoxe ao “ZigZag Diario” para falar do seu éxito nos Premios María Casares de Teatro. Esta peza foi a gran triunfadora e fíxose co premio ao mellor espectáculo, mellor director, mellor actor protagonista pola actuación de Toni Salgado, mellor actor secundario, que foi parar ás mans de Alberto Rolán, e mellor adaptación/producción, outorgado a Afonso Becerra. 
O equipo do programa tamén celebrará a ledicia do premio con Caramuxo, xa que a súa peza “Feo” recibiu o galardón ao mellor espectáculo infantil. 
Cambiando totalmente de terzo, pero sen saír das escénicas, para o programa de hoxe, “ZigZag Diario” ten preparada unha homenaxe a Manuel María con “Soños na gaiola”.