Os expertos do programa falan de ciberrelacións e das vantaxes e desvantaxes de manter unha. As gamers do espazo Katu e Chus conducen, con cuestionable habilidade, un coche virtual por Roma e Madrid e contan os segredos inconfesables dos seus anos de xuventude. Os cativos do programa descobren o teléfono de roda e ven o difícil que é transportalo na sección “Nan@s”. E na sección “I+D+i” coñecemos a mestres que traballan en colexios onde a investigación, o desenvolvemento e a innovación están presentes en cada un dos procesos de aprendizaxe.