Eran moitos os que xa coñecían de antes o atractivo e o potencial que ten o rural, pero é certo que esta pandemia serviu para que moitos lles deran máis valor a estas vilas e núcleos pequenos. Lugares que, agora máis ca nunca, precisan dun pulo para retomar o camiño tras a crise sanitaria. Iso é o que busca a iniciativa O rural vive. Vive o rural, que impulsan os Grupos de Desenvolvemento Rural de Galicia. Martín Alemparte é o seu voceiro.